Start stoppa Florø si sigersrekke

– Kampen byrja slik vi hadde tenkt. Kampplanen såg ut til å fungere, og så får vi ei forsvarstabbe, ein personleg feil, som gjer at Start får 1–0 på noko som ikkje skal skje, seier Terje Rognsø.

Midtvegs i første omgang mista midtstopparen Runar Hove ballen til Espen Børufsen og Florø hamna bak med eit mål. Dette førte til at resten av omgangen blei ruskete.

– Start leia fortent til pause ut ifrå det som skjedde, seier trenaren.

2. omgang

– Då dominerte vi eigentleg, men var ikkje gode nok på siste tredjedel til store nok utfordringar. Vi er skuffa over å ikkje få med oss noko som helst, også får Start eit mål fem minutt på overtid, fortel trenaren.

LES OGSÅ: Etter ein to månaders lang opptur med siger etter siger i serien gjekk Florø ut av cupen etter 1–0-tapet for Kristiansund onsdag.

På tampen av kampen var det Start sin Daniel Aase som tok ballen frå Børufsen og sette kursen framover og ned langs sidelinja. Han finta ut Lindquist og fortsette mot mål. Aleine med keeper kippa han ballen over Frenderup og sikra det andre målet for Start.

Målet prega kampen

Rognsø seier dei hadde god kontroll innledningsvis i 2. omgang, men mål pregar kampar.

– Vi trykka på, men får ikkje ballen i mål. Vi hadde kontroll også mistar stopparen vår ballen der han ikkje skal gjere det. Det er ikkje lett å gardere seg mot slike ting.

Florø har hatt eit tøft reiseprogram i det siste og neste kamp er på onsdag.

– Vi burde ha fått utteljing, men det er ikkje ideelt med så tette kampar. Likevel var det Start, som har hatt betre kvile, som låg med krampar og var mest slitne i 2. omgang. På onsdag må vi slå tilbake.

LES OGSÅ: Sist laga møttest enda det med 4–1-siger til Start i Florø, etter at Runar Hove sende Florø i leiinga.

LES OGSÅ: Sidan den gong har Florø klatra opp på kvalifiseringsplass om opprykk og vore i sterk medgang. Medgang har også Start hatt, spesielt utanfor bana der lokale investorar har lovd pengar til å bygge opp att laget til ein klubb i toppen av norsk fotball.