Florø fotball

Tidlegare Florø-keeper med tap i Gold Cup – møter USA måndag

Fotballturneringa CONCACAF Gold Cup blir for augeblinken arrangert i Canada og USA. Gold Cup er det nord- og mellomamerikanske meisterskapet i fotball for menn, og i dag møttest landslaga til Jamaica og Trinidad og Tobago til kamp i gruppe A.

I mål for Trinidad og Tobago stod tidlegare Florø-keeper Nicklas Frenderup. Mannen med nesten 100 kampar for Florø har stått begge Trinidad og Tobago sine kampar i meisterskapet. Mot Jamaica, og profilerte namn som Premier League-spelarane Michail Antonio, Leon Bailey og Demarai Gray, måtte Frenderup sjå fire ballar gå i eige nett.

Natt til måndag 3. juli møter laget USA til gruppespelets siste og avgjerande kamp. Denne må dei truleg vinne for å avansere til kvartfinalen.

Einaste lag utan poeng

2. divisjonslaget Florø Fotball er det einaste lag i dei tre øvste divisjonane som ikkje har teke poeng til no i sesongen. Søndag vart det 0-4 borte for Kongsvinger. På seks kampar har dei berre scora to mål Laget frå kystbyen spelte så seint som i 2018 i 1. divisjon.

Florø med overlegen siger

Florø Fotball vann overlegent mot Fløya IF på bortebane i dag. Stillinga vart 2–5 til florøværingane.

Scora fire mål på 11 minutt

På berre 11 minutt scora Florø Fotball fire mål mot Fløya. Fram til no i andre omgang har Florø nok ein gong putta ballen i mål. Stillinga er no 1–5.

Scora etter tre minuttar i debuten

Mathias Sundberg brukte tre minuttar på å markere seg for Tromsdalen i 2. divisjonsoppgjeret mot Florø. 18-åringen, som er på lån frå Sogndal, ga laget frå nord leiinga frå straffemerket. Christer Husa reduserte til 1-4 for vertane i siste minutt. Florø Fotball er nest sist i divisjonen med null poeng.