Flo håper å slå Flo-slekta

Søndag er det ny viktig kamp for Sogndal i strevet med å skaffe seg fornya kontrakt i tippeligaen.

Dei får då besøk av Strømsgodset på Fosshaugane. Gjestene er eit av Norges beste heimelag denne sesongen og tilsvarande dårlege bortelag.

• Her kan du følgje kampen spark for spark søndag kl. 18

Den tidlegare Sogndal-spelar er imponert over det Sogndal har fått til.

– Ja, det er eg. Dei starta sesongen med stø kurs mot nedrykk. Men så gjorde dei nokre grep der dei først og fremst prioritere forsvaret. I tillegg til høg arbeidsmoral har dei i haust fått fram enkelspelarar som er underhaldande å sjå på, seier Jostein Flo.

• Les bloggen Jons frispark: Heia Deila–Heia Flo
• Les om Jostein Flo i Fylkesleksikonet

Håper å vere på plass

Han reknar med å vere på plass på Fosshaugane dersom alt klaffar på heimebane.

– Dersom kona mi kjem tidsnok heim, så er eg der. Er det ein bortekamp eg verkeleg ønskjer å sjå, så er det denne.

Prestisje å slå slekta

Strømgsgodset ligg trygt midt på tabellen, medan Sogndal ligg rett over nedrykksstreken. Flo og resten av Strømsgodset kjem likevel ikkje til å vere snille med motstandarane.

– Nei, det skjer ikkje, Halve slekta er jo i og rundt Sogndal, men det er ingenting eg koser eg meg meir over enn å slå søsken og slekta der oppe. Det ligg mykje prestisje i det. Eg trur vi vinn kampen, men trur det blir ein vanskeleg kamp.

• LES OGSÅ: Toppscoraren valde Sogndal
• LES OGSÅ: Klar for nye utfordringar i Sogndal