– Det kjennest urimeleg at dei delane av landet som produserer straumen skal vere dei som betaler mest i nettleige, seier stortingskandidat Tore Storehaug.
Berre Hordaland har høgare kraftproduksjon enn Sogn og Fjordane, men det syner ikkje att på straumrekninga. Nettleiga er nesten 40 prosent høgare enn landssnittet
- Les også:
Forskjellen for ein bustad som bruker 20.000 kilowatt i året er på 12.000 kroner på billigaste og dyraste nettleige. Totalprisen vert avgjort av kor ein bur og kven som eig kraftnettet i området.
– No har vi fått med oss eit fleirtal på landsmøtet til KrF for at ein skal ha ei utjamning av nettleiga, slik at den blir like i heile landet, seier Storehaug.
Fleirtal på Stortinget
Tidlegare har både Arbeidarpartiet og Venstre gjort liknande landsstyrevedtak.
- Les også:
- Les også:
– Om eg ikkje har forstått det heilt feil så har både Ap, Venstre og Senterpartiet gått inn for ei slik ordning no. Det er viktige jobbar som fleire fylkeslaget i Sogn og Fjordane har gjort. Dermed har vi no fått eit fleirtal, og då forventar eg at Stortinget kjem til å følge dette opp, slik at vi får ei meir rettvis nettleige, seier Storehaug.
