Engebø-vedtak vart største bursdagsgåva hans

Medan nokre flagga på halv stang i dag var det andre som åt marsipankake i Naustdal kommune.

Kakefest for Engebø og Kvame

DOBBEL FEIRING: Varaordførar Harald Kvame (H) spanderte kake, m.a. på ordførar Håkon Myrvang (Ap).

Foto: Geir Bjarte Hjetland / NRK

For varaordførar Harald Kvame (H) var det dobbel grunn til å ete kake. Han har bursdag i dag, og han tykte regjeringa sitt ja til gruvedrift var ei fin bursdagsgåve.

– Eg fann ut i dag at eg ville spandere kake på dei som kom hit til kommunehuset då vi fekk det som eg synest er ei gladmelding i dag tidleg.

– Men samstundes har eg stor respekt for dei som har vore imot prosjektet og som framleis er det. Så dette er ikkje noko storarta feiring, men det er ei markering, og for meg var det den største bursdagsgåva eg kunne få utanom familien, då, seier bursdagsbarnet.

– Stort for meg

– Kvifor er det så viktig for deg at det no ser ut til å gå mot realisering av gruveprosjektet?

– Eg har sett på det som næringsutvikling, og eg er veldig interessert i det. Eg trur det vil få store ringverknader både i Sunnfjord, i Sogn og Fjordane og i heile landet. Det er stort for meg som har arbeidd med dette i så mange år at det no har kome ei avgjerd.

Harald Kvame og Bjørn Lødemel

MANGE GRATULASJONAR: Mellom dei som gratulerte og fekk smake kaka var stortingsrepresentant Bjørn Lødemel (H).

Foto: Geir Bjarte Hjetland / NRK
Regjeringa vil ha større konkurranse i landbruket, men bøndene på Vestlandet er skeptiske.
Atle Steinar Solheim vart overraska med nyheita om at han er ein av fem nominerte
Over 80 barn var samla på Jølstraholmen for å tjuvstarte adventstida med pynting av pepperkakehus.