– Slik eg har forstått det, er FC København ikkje lenger interessert, seier sportssjef Trond Fylling i Sogndal til tipsbladet.dk.
- LES OGSÅ:
Spekulasjonane har lenge gått høgt rundt framtida til Even Hovland. Midtstopparen er å rekne som krumtappen i forsvaret til Sogndal, og spelte seg i 2011 inn i landslagstroppen under Egil «Drillo» Olsen.
Var aktuell som Hangeland-arvtakar
I danske Tipsbladet er 22-åringen trekt fram som «den nye Brede Hangeland», og det var venta at toppklubben ville hente inn Hovland i posisjonen Hangeland i si tid gjorde stor suksess i Danmark.
I oktober vart det kjent at København var interessert i stopparen frå Vadheim. No har derimot interessa kjølna.
– Molde er svært interesserte i Even. Det same er fleire andre norske klubbar og klubbar frå utlandet, men Molde har vore det lenge, og i augneblinken er det Norges største klubb, forklarer Fylling til nettavisa.
- LES OGSÅ:
- LES OGSÅ:
Mellom topp fem i norsk fotball
Sportssjefen reknar med at Hovland vert seld innan overgangsvindauget lukkar ved utgangen av januar. Fylling vil helst selje midtstopparen til ein utanlandsk klubb.
– Men det er også fint for oss å selje til Molde eller Rosenborg, som er dei store klubbane i Norge, seier han.
- LES OGSÅ:
- LES OGSÅ:
Ifølgje tipsbladet.dk meiner TV2 sin fotballekspert David Nielsen at Even Hovland er å rekne mellom dei fem beste kjøpa frå norsk fotball.