– Ofte er truslar berre truslar, men det er heilt øydeleggjande for tilliten i samfunnet. Målet til terror er å skapa frykt i befolkninga og akkurat den effekten kan truslar også ha, seier ekstremismeforskar Lars Gule ved høgskulen i Oslo og Akershus.
Måndag morgon trua nokon med å sprenga Flåmsbana og væpna politi rykte ut, men det vart ikkje gjort bombefunn på toget.
- Les også:
Inspirert av Stockholm
Den siste tida har det vore fleire terrorangrep og truslar. Fredag vart fleire personar drepne då ein varebil køyrde ned folk i Drottninggatan i Stockholm og laurdag kveld vart ei sprengladning funne i Oslo.
Gule trur hendingar som dette kan ha inspirert mannen som sende bombetrusselen mot Flåmsbana.
– Heilt klart. Då har vedkommande sett at folk vert skremd og opprørt. Då ønsker dei sjølv å skapa den same frykta, seier Gule.
– Dette kan vera nokon som søker merksemd om seg sjølv eller som rett og slett har gjort ein vondsinna spøk, fordi vedkommande syns det er morosamt å skremme andre, seier han.
Etter terrorangrepet i Sverige har norsk politi blitt midlertidig væpna og fram til trusselbildet har roa seg.
- Les også: