NRK Meny
Normal

Smelteverket i Årdal i full drift att etter brann smelteomn

Hydro i Årdal er i full drift att etter at det torsdag kveld byrja å brenne under ein smelteomn.

Hydro, Årdal Metallverk

SMELTEVERK: Hydro sitt aluminiumsverk i Årdal.

Foto: Geir Bjarte Hjetland / NRK

Smelteverket vart evakuert då dmetall frå ein omn hamna i kjellaren og tok fyr i forskalinga som var der.

Brannen vart raskt sløkt, men verket var utan straum i to timar.

– Sjølve hendinga var raskt over, men vi brukte litt tid på å få straumen tilbake. I 23-tida var verket i full drift att, opplyser assisterande kommunikasjonsdirektør i Hydro, Erik Brynhildsbakken.

Melde om eksplosjon

Dei første meldingane frå politiet gjekk på at det var brann og eksplosjon på smelteverket. Det vart sett i gang full utrykking, men brannvesenet fekk raskt kontroll på brannen.

Den vart meldt sløkt like før klokka 22 torsdag kveld.

– Det er for tidleg å seie noko om kvifor dette skjedde. Det er noko vi vil undersøkje, seier Brynhildsbakken.

Utan straum i to timar

Då Hydro Årdal var utan straum i bortimot tre timar i januar 2016 var det nære på at metallet størkna i omnane.

Sjølv om dei unngjekk den store katastrofen vart ti prosent av omnane i Øvre Årdal sette ut av spel, og det heile kosta Hydro mange millionar kroner.

– Det er ikkje så kritisk når straumen er vekke i berre to timar, så eg reknar med at det går bra, seier fabrikksjef på Hydro i Årdal, Wenche Eldegard.

Ingen eksplosjon

– Det var brann i ein kjellar under ein smelteomn og det var eksplosjonslydar i samband med det. Det er snakk om smelta metall og det har ein tendens til å smelle når det kjem i kontakt med ting, opplyste vaktleiar Jan Gunnar Holvik på Alarmsentralen i Sogn og Fjordane.

Ingen vart skadd i brannen og området vart evakuert.

– Det dreier seg om ein vanleg brann. No vil folk frå brannvesenet og Hydro sine folk halde vakt utover natta for å halde kontroll på at det ikkje blussar opp att, sa Holvik torsdag kveld.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.