Under ein festival i Askvoll i fjor sommar hamna han og fleire kameratar i slagsmål med ein person. Fornærma, ein mann i 40-åra, vart sendt til Førde Sentralsjukehus for behandling og hadde blant anna brekt nase. Mannen i 20-åra frå Sunnfjord skal ha både sparka og slått fornærma i ansiktet så han vart liggande att, bloding og medvitslaus.
Årsaka til slagsmålet var at mannen i 40-åra skulle ha fornærma mora til 27-åringen, som vart dømd i januar.
Fekk beskjed om å ta på seg skulda
Mannen i 20-åra som no er dømd vart også bedt om å ta på seg skulda for valdsepisoden av kameraten hans som vart dømd tidlegare i år. Medan 27-åringen sat varetektsfengsla i Vik fengsel sende han denne meldinga til kameraten i 20-åra som no er dømd:
Mannen i 20-åra innrømma tidleg i avhøyr med politiet at han hadde delteke i valdshandlinga og vart derfor dømd til fem månadar i fengsel. Aktor ville ha seks månadar, men straffa vart korta ned sidan han erkjende straffskuld.