NRK Meny
Normal

Doblar produksjonen ved Måløy Seafood

Coast Seafood brukar no 20 millionar kroner på å modernisere og utvide produksjonskapasiteten ved Måløy Seafood.

Måløy Seafood

DOBLAR KAPASITETEN: Måløy Seafood skal no kunne ta i mot større båtar

Foto: Pressebilete

– Vi set no opp fleire produksjonsliner og automatiserer dei, slik at det skal gå raskare. Då kan vi ta i mot større båtar og losse dei fortare, seier Sverre Søraa, som er administrerande direktør i Coast Seafood.

Bakgrunnen for investeringa er at dei har leigd nabofabrikken, Brødrene Myhre, og dermed fått langt større innfrysingskapasitet.

– Då vart naudsynt for oss å både modernisere, men og auke kapasiteten på eigen fabrikk, seier Søraa.

Dobling

Sverre Søraa

JOBBAR PÅ SPRENG: Sverre Søraa er administrerande direktør i Coast Seafood.

Foto: Steinar Lote / NRK

I høgsesongen jobbar det i dag om lag kring 25 personar Måløy Seafood. Produksjonen har lege på kring 7500 tonn makrell, målet no er 15 000 tonn. Ei dobling av kapasiteten betyr og fleire arbeidsplassar.

– Med den utbygging vi no er i ferd med å gjere så treng vi nok fem–seks–sju nye tilsette, seier Søraa.

Travelt

15. august startar makrellsesongen, og målet er at dei nyoppussa fabrikklokala då skal vere klare.

– No jobbar vi på spreng for å bli ferdige til midten av august, når sesongen startar igjen, seier Søraa

Aksjonistar i rettsal, aksjonistar lenkar seg fast på Engebøfjellet
Teaterfestivalen i Fjaler  
Frida Melvær møtte innbygarane dagen derpå