NRK Meny
Normal

Difor vraka han norske klubbar for «Bajen»

Mats Solheim (29) takka nei til fleire norske klubbar, for å halde fram proffeventyret i Sverige.

Mats Solheim

STEMNING: Mats Solheim stortrivast med Hammarby. – Mellom 20.000 og 30.000 tilskodarar gir god stemning, men vi kan også få dei i mot oss. Slik som då vi tapte for nedrykksklare Halmstad i sesongavslutninga, seier han.

Foto: Thérese Ny/TT / TT NYHETSBYRÅN

– Ein må nyte det medan ein kan, seier Hammarby sin populære norske venstreback.

Takka nei til norske klubbar

Mats Solheim rundar 30 år i desember. Før han kom heim til Loen etter serieavslutninga i Allsvenskan, signerte han like godt ein ny treårskontrakt med «Bajen».

Sjølv om to-tre norske klubbar ynskte å hente han heim til eliteserien.

– Altså, vi har fundert på å reise heim att, men totalpakken no gjorde at eg bestemte meg tidleg for å signere. Då Hammarby ville ha meg med vidare, så kjendest det sikkert og bra ut med tanke på at det har vore tre så fine år der, seier 29-åringen.

– Heilt fantastisk

Solheim reiste frå Sogndal etter 2011-sesongen, men har saman med sambuaren og sonen på 14 månader slått seg til ro i nabolandet i aust.

Først tre sesongar med Kalmar, så fire mil lenger nord i Sverige, i Stockholm.

– Det er ein periode eg vil tenkje tilbake på kvar dag når eg er ferdig med fotballen. Det å spele for eit slikt publikum og slike storkampar er kanskje noko ikkje så mange andre får moglegheit til, seier Solheim.

Høgast snitt

– Det er nokre år sidan eg sist spelte i Norge, men kan vanskeleg sjå at det er like god stemning på norske stadion, seier han. Du høyrer det godt når brorbarten av mellom 20.000 og 30.000 tilskodarar røystar i «Just i dag är jag stark» til innmarsjen på heimebane.

Med 22.137 tilskodarar har Hammarby høgast snitt i Allsvenskan. Til samanlikning har Rosenborg høgast snitt i Eliteserien. Sogndal har 3.222.

– Ramma, interessa og publikum er heilt fantastisk. No vil klubben satse endå høgare mot toppen. Det er snakk om nytt klubbhus og nytt kunstgras. Det hadde vore både interessant og kjekt å få vere med på den reisa, seier Solheim.

Klubben satsar

Hammarby enda på 9.-plass i serien, den beste plasseringa på ti år for klubben som i 2001 vann både cup- og seriemeisterskap.

– Både vi spelarane og klubben ynskjer å vere med i toppen etter kvart. Og så trivast eg å spele litt under press og krav, seier han og siktar både til supporterar og klubb.

– Men kva hadde vore realistisk å komme heim att til?

– No fyller eg 30 år i desember, og dei aller beste klubbane hentar vel yngre spelarar eller i alle fall betre 30-åringar enn det eg har på merittlista mi, humrar han.

Etter ein roleg ferie i Loen returnerer familien tilbake til Stockholm i dag. Der ventar fysiske testar og tre treningsveker med laget. Over nyttår startar sesongoppkøyringa.

Laster innhold, vennligst vent..
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.