– Historielaust å bryte lang tradisjon

Fylkestinga i Sogn og Fjordane har sidan 1940 vore opna og lukka med salmen «Gud signe vårt dyre fedreland». No vil Ap-politikar Torbjørn Vereide ha slutt på denne tradisjonen.

• Les utspelet som starta debatten: Vil ha slutt på salmesong i fylkestinget

Forslaget fekk raskt støtte av Unge Venstre i Sogn og Fjordane, men mellom anna KrF-politikar Tore Storehaug, meiner det er ein dårleg idé.

– Det er ei historieløyse som ikkje set pris på dei tradisjonane vi har, seier Storehaug, som er fylkestingsvara for KrF.

Fylkesleiar i Unge Venstre, Jacob Bredesen, meiner det er rart at dei folkevalde synge ei salme i eit land der stat og kyrkje er skild frå kvarandre.

– Fylkestinget skal representere mangfaldet hjå folket, og då blir det feil å synge ein religiøs song, seier han.

HØYR DEBATTEN HER: