NRK Meny
Normal

– Du har så fine auge

Det blei mykje latter og god stemning då brasilianske Rosa Amundsen blei intervjua under Tour des Fjords i dag.

Slik gjekk det då reporter Arve Uglum interjvua Rosa Amundsen.

FINE AUGE: Sjå møtet mellom brasilianske Rosa og ein NRK-reporter som vart litt sett ut.

Rosa hadde stilt seg opp langs løypa til sykkelløpet Tour des Fjords på Vassenden i Jølster. Der blei ho intervjua av reporter Arve Uglum, og svarte på eit par spørsmål, før ho brått braut ut:

– Du har så fine auge. Eg blir heilt ukonsentrert.

Rosa Amundsen

DRIV FOTKLINIKK: Rosa Amundsen bur på Vassenden.

Foto: privat

Reporter Uglum mista sjølv munn og mæle ein liten augneblink.

– Eg oppfatta det slik at ho ikkje var så vant med å bli intervjua, så eg prøvde å halde ein god tone for at ho skulle slappe av. Men eg må vedgå at då ho sa at eg hadde fine auge, då tenkte eg: Kva seier eg no? Ho hadde forresten fine auge, ho og.

– Uredd type

Rosa Amundsen

KLEDD FOR SAMBA: Rosa Amundsen seier ho elskar fest.

Foto: privat

Rosa Amundsen, som opphavleg er frå Brasil, seier at ho vanlegvis slett ikkje er ein sky type.

– Eg har jobba som dansar og er vant med å bli filma og tatt bilete av. Det var berre så vanskeleg å forstå dialekten til han som intervjua meg, seier Amundsen.

– Men han var veldig kjekk då, legg og til og ler godt.

Rosa fortel at ho elskar fest, og at ho var i godt humør og litt ufokusert då ho blei intervjua. Sjølv om intervjuet stoppa litt opp synest ho det var morosamt å bli intervjua.

Ho driv Vassenden Fotpleie, Clinique Rosa, og synest det var flott med litt folkeliv rundt sykkelrittet.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.