Doarjja Sámedikkes jårggålittjat mánájgirjjerájdov julev- ja ubbmemsámegiellaj
Sámedigge l juollodam 125.000 kråvnå jårggålittjat mánájgirjjerájdov Dinosaurgjengen julev- ja ubbmemsámegiellaj. Prosjækta, mav Nordlánda fylkasuohkan jådet, galggá dájt sámegielajt nannit mánájgirjij baktu, ma li ájnnasa giellaåvddånahttemij ja låhkåmávvuj.
– Mij dárbahip ienep sáme girjijt majt máná ajtu sihti låhkåt. Dá li girje majt moattes dåbddi dárogielas, ja ma dal aj gávnnuji guovte unnep sámegielajda, javllá Lifjell.
Sæmmi gå Nordlánda fylkkasuohkan julev- ja ubbmemsámegielav vuorot, de aj Trøndelága fylkkasuohkan oarjjelsámegiellaj ja bihtámsámegiellaj jårggålimij barggá, vattátjit ienep girjálasjvuodafálaldagáv sáme mánájda.
Dát doarjja l oassen Sámedikke prosjæktadårjas sáme girjálasjvuohtaj.
