25.676 olbmo dál Sámedikki jienastuslogus – guovtti válgabires 40 proseantta lassáneapmi
Oktiibuot 25.676 olbmos lea dál jienastanvuoigatvuohta Sámediggái. Mannan almmuheame rájes lea Sámedikki jienastuslohku lassánan 5131 olbmon.
Davvi válgabires ja Mátta-Norgga válgabires lea jienastuslohku eanemus lassánan. Dien guovtti válgabires leat dál 40 proseantta eanet jienasteaddjit go ovddit válggain.
Sámediggi, Válgadirektoráhtta ja Vearroeisseválddit dat leat ovttasráđiid dárkkistan jienastuslogu ovdal dán jagi válggaid.
Sidjiide geat dáid sámediggeválggain áigot jienastit, lei dieđihanáigemearri geassemánu 30. beaivvi.
Jienastuslogu birra lea daid maŋimuš jagiid leamaš olu digaštallan, earret eará maŋŋá go NRK ge lea muitalan ahte dohko leat olbmot čálihan iežaset, geat rahpasit dovddastit ahte sii leat sámit.
Sámediggi lea lasihan bargiid válgaossodahkii, earret eará nannen dihte diehtojuohkima ja maiddái go dáhttot eanet rávvet olbmuid geat áiggošedje iežaset čálihit jienastuslohkui.
