– Når eg trykker på den knappen der så får eg beskjed om at to vindauge er ulåste, og den fortel også at vindauga er på det største soverommet.
Appen som styrer vindauge og dører hos Oddgeir Eikeskog.
Foto: Thomas Ystrøm / NRKOddgeir Eikeskog kikkar ned på Futurehome-appen på mobilen sin. Han har nettopp bygd seg nytt hus sentralt i Sandnes. Der har han installert vindauge og dører med sensorar, slik at alt kan styrast frå ein app.
- Les også:
– Det gir meg tryggleik for at ikkje noko står ope, og så er eg er litt nysgjerrig og likar å sjå korleis ting fungerer, seier Eikeskog.
Oddgeir og Eli Serine Eikeskog har satsa på smarthusteknologi i huset sitt. Her saman med Sigbjørn Groven frå Futurehome.
Foto: Ingvald Nordmark / NRKMå vera med i tida
Kenneth Gilje er prosjektleiar hos Gilje Tre, ei bedrift i Gjesdal kommune som leverer dører og vindauge til 30–40 hus over heile landet, kvar dag.
Han kikkar nøye på sensoren som er montert inne i karmen på ei av skyvedørene i huset til Eikeskog. Det er om lag to år sidan at bedrifta hans fann ut at dei måtte ha ei ny løysing til dei kundane som etterlyste smarthus-teknologi.
– Me vil henga med i tida, og me såg at det kom løysingar som ordna dette. Då me fann ein lokal aktør som tok seg av samankoplinga, så slo me til, seier Gilje.
- Les også:
Sikkert eller ikkje
Sensoren i dører og vindauge til Gilje Tre, som gjer at dei kan styrast via ein app. Her frå skyvedøra ut til terrassen.
Foto: Ingvald Nordmark / NRKTeknologiselskapet Futurehome har utvikla appen som huseigaren kan styra på sin eigen mobiltelefon.
I fem år har dei jobba for å utvikle løysinga som styrer vindauge og dører, men som også kan kopla på solskjerming eller elektriske apparat på kjøkkenet, for den del.
Stian Øien er produktsjef, og vedgår at det kan vera ein sikkerheitsrisiko ved å leggje opning og lukking av dører og vindauge ut på internett. Likevel meiner han at den risikoen er veldig liten.
Sjef for smartbyen Stavanger, Gunnar Crawford meiner at smarthusteknologien nå er over den første eksperimentfasen.
Foto: Ingvald Nordmark / NRK– Du kan aldri vera 100 prosent sikker, men du er sikrare med eit smarthus, enn om du ikkje har eit slikt, seier Øien.
- Les også:
Nå er løysinga her
Sjef for smartbyen Stavanger, Gunnar Crawford, jobba tidlegare i eit teknologiselskap, som også utvikla løysingar til smarthus.
Han seier at smarthus ennå er i ei tidleg utvikling, men at det nå byrjar å gå seg til.
– Det fungerer for folk flest nå, og du treng ikkje sitja å tenkje på at det skal skje noko stort og nytt. Teknologien er jo alt her, seier smartbysjefen.
