Ei av føresetnadene frå Konkurransetilsynet då Coop skulle kjøpte Ica var at 93 av dei 550 butikkane skulle seljast til andre aktørar på daglegvaremarknaden, for å trygga konkurranse.
43 av desse var det Bunnpris som kjøpte, og innan tysdag står dei klare i ny drakt.
– For at omprofileringa skal kunne skje i løpet av berre to døgn, er det rekvirert 42 målarar, 56 dataprogrammerarar, 20 skiltmakarar og 28 butikksjefar, seier ein spent kjededirektør, Tonny Thers.
- Les òg:
Ica sine merkevarer må vekk når butikken skal bli om til Bunnpris.
Foto: Eirin Larsen / NRKResten på vent
Dei resterande 50 butikkane er det Norgesgruppen som har kjøpt, desse står framleis som Ica, Rimi eller Matkroken, men snart skal desse også bli nye.
– Så langt er ingen omgjort og det er for tidleg å sei når me startar denne prosessen, men me har ikkje eit mål om å bruka lang tid. Nokre butikkar er rett rundt hjørnet, medan det vil ta litt lengre tid med andre, seier kommunikasjonsdirektør Kine Søyland i Norgesgruppen.
Når det kjem til Coop sine Ica-butikkar blir mest truleg Rimi-butikkane omprofilerast til anten Coop Extra eller Coop Prix, medan Ica-butikkane vil bli gjort om til Coop Mega eller Coop Extra. Matvarekroken blir truleg ikkje endra.
Ifølgje Dagbladet vil namnebytta kosta om lag 1 milliard kroner for Coop.
