– Kan eg få møte Berisha?, spurde ein ung gut, som gjekk ned på banen etter kampen mot Strømsgodset fredag.
Men det var altså ikkje for å treffe Viking-spelar Veton Berisha at dei fekk entre banen. Viking hadde på førehand , og at dei som ville kunne få med seg ein bit.
Nær 500 ville ha gras
– Dei skulle få eit siste minne av den flotte Viking-matta, seier banemeister Ivar Alstadsæther.
Kjell Jonevret ser fram til å få nytt gras på stadion.
Foto: Kallestad, Gorm / SCANPIXOg det var mange som ville nytte sjansen til å sikre seg dette minnet. Nær 500 supporterar stilte seg i kø. Graset på Viking stadion er faktisk ein snakkis, skal me tru banemeisteren.
– Me merkar at det er mange meiningar og tilbakemeldingar om graset. Det er mange som har eit forhold til denne matta, seier Alstadsæther.
– Kan ikkje skulda på grasmatta
Grasmatta på stadion har låge der i ti år, og har ikkje alltid gjort Viking til eit topplag. Fredag , eit lag mange hadde venta at dei ville slå.
– Me kan vel ikkje skulda på grasmatta for at me spelte uavgjort, men det er bra at dei legg nytt, seier Viking-trenar Kjell Jonevret.
– Samstundes har Viking tapt svært få kampar på heimebane dei siste åra, så noko godt har det ført med seg, påpeiker Alstadsæther.
Laurdag starta jobben med å høvle banen for det graset som blei liggande igjen.
