– Når folk er snille med deg, gir ein tilbake

Resultat frå fjorårets folkehelseundersøking i Rogaland er presentert. Og Ryfylke skil seg ut av regionane i fylket.

Det er Folkehelseinstituttet (FHI) som står bak undersøkinga i alle fylka.

– Vi har ikkje mykje å klage over, vi har litt annleis haldningar og tankesett enn andre stader. Også stolar vi på kvarandre og ser det beste i folk, seier Therese Nordbø.

• For to år sidan fekk ei lita øy i Ryfylke bru som kosta over 70 millionar kroner. Men det er det verd, meiner fleire. Les kvifor.

Nordbø peikar også på at det er mange som vil flytte tilbake igjen til Ryfylke. Og trur at det har noko å seie for trivselen.

– Alle smiler og seier hei til kvarandre, og når folk er snille med deg, så gir ein tilbake, seier Nordbø.

Forundra over høg skåring

I Ryfylke er det fleire som er tilfreds med livet, tilhøyrsle, tryggleik i nærmiljøet og fleire opplev at det er ei meining med livet.

Dei skårar også lågt gjennomsnittleg på einsemd.

– Det som forbausar meg er at Ryfylke skårar høgt på så mange faktorar og under gjennomsnittet på einsemd, seier Leif Edvard Årø, seniorforskar ved FHI.

Han trur at noko av årsaka kan vere at Ryfylke ligg litt mindre sentralt. Han er likevel forundra over at ein bestemt del av Rogaland kjem betre ut enn dei andre delane.

– Noreg kjem gunstig ut, vi har høg livskvalitet. Men Ryfylke kjem endå meir positivt ut med gode kvalitetar, seier Årø.

Minst lukkelege i Norden

FHI offentleggjer ikkje resultata frå alle fylke samstundes. Så langt er folkehelseundersøkingar for Rogaland, Agder og Innlandet klare. I Agder fann dei at fleire slit med psykiske plager.

Rapporten frå Innlandet viste at det var relativt lite variasjon mellom regionane. Der var det ei skåring på 7,3 av 10 når det gjeld tilfredsstilling i livet.

I Rogaland var snittet 7,1. Resultata frå Ryfylke var 7,45.

• Noreg er det sjuande lukkelegaste i Norden, ifølge ein rapport frå FN. Men av landa i Norden skårar Noreg likevel lågast. 2017 var det siste året Noreg låg på første plass.

– Beste staden i verda

– Det er beste staden i verda, seier Daniel Nedrebø Gjertsen frå Sjernarøy i Ryfylke.

Han seier gode naboar spelar inn på den høge skåringa.

– Eg er stolt. Dette viser kor bra vi har det i Ryfylke. Vi har eit godt samhald. Det er utruleg kjekt med så mange gode naboar som alltid stiller opp, og Ryfylke er ein stad ein vender tilbake til, seier Gjertsen.

I Rogaland som heilskap auka einsemda frå 9,8 prosent i 2019 til 14 prosent i 2023.

Andelen som melder om at økonomien er vanskeleg å få økonomien til å strekke til, har auka frå 16,5 prosent i 2019 til 25,5 prosent i 2023.

• Kor lenge trur du at du kjem til å leve? Forventa levealder er ulik etter kor du bur.