I eit halvt år har NRK Rogaland kvar einaste fredag arrangert tråbilkonkurransen «Top Pedal» med kjende rogalendingar.
Fredag var det sesongavslutning med sjølvaste Alexander Kristoff på startstreken.
32,9 var den magiske tida stavangersyklisten så gjerne ville slå. Det er nemleg rekorden til stavangerkomikaren Christian Eriksen.
Men det blei berre nesten for Kristoff. Sluttida blei 33,09 og dermed «berre» sølv på proffsyklisten.
– Nesten like bittert som å tapa etappesigeren i Tour de France dette, eller?
– Ja, det er surt. Eg burde øvd litt meir på svingane, der mista eg mykje fart, seier Kristoff.
