Statsministeren på veg til norsk sokkel

Statsminister Jonas Gahr Støre (Ap) reiser i dag til Sleipner-plattforma i Nordsjøen. Statsministeren seier bakgrunnen for besøket først og fremst er å vise offshoretilsette at Noreg tar tryggleiken deira på alvor etter gasslekkasjane i Østersjøen og fleire droneobservasjonar den siste tida.

– Alle som jobbar i denne viktige bransjen for Noreg, gjer ein fantastisk jobb. Vi er opptatt av tryggleiken deira, sa Støre før han gjekk i helikopteret.

Han seier det er naturleg å auke beredskapen i situasjonen ein er i nå, men at styresmaktene ikkje har informasjon om konkrete trugsmål mot norsk sokkel.

– Det er naturleg med nye tiltak nå. Vi tar situasjonen i Europa på alvor, og derfor skjerpar vi beredskapen, seier Støre.