Hopp til innhold

Skien fengsel blir omgjort til kvinnefengsel

Justis- og beredskapsminister Emilie Enger Mehl varslar strakstiltak for Bredtveit fengsel, og gjer Skien fengsel om til kvinnefengsel, opplyser departementet i ei pressemelding.

– Det har vore for dårlege soningstilhøve for kvinner på Bredtveit i mange år. Sjølvmordet for to veker sidan kjem på toppen av årevis med låg bemanning og for dårlege bygningsmessige tilhøve, seier Mehl.

Laurdag 11. mars tok ein av dei innsette i Bredtveit fengsel sitt eige liv framføre andre innsette. Veka etter var Sivilombodet på tilsyn i fengselet. Funna resulterer i at Kriminalomsorgsdirektoratet (KDI) no set i verk strakstiltak for å avhjelpe den kritiske situasjonen.

Justisministeren varslar desse strakstiltaka:

– Auke bemanninga på Bredtveit ved å flytte personell frå andre fengsel.

– Redusere talet på innsette på Bredtveit.

– Skien fengsel blir gjort om til kvinnefengsel for å betre soningstilhøva for kvinner generelt, og avviklar samsoning med menn.

– Kvinner på avdeling Zulu ved Ullersmo fengsel blir flytta til andre fengsel frå måndag av.

Fengselsgangene i Bredtveit fengsel.

Sivilombudet slår alarm om Bredtveit fengsel

Sivilombudet mener soningsforholdene ved Bredtveit fengsel er kritiske og livstruende. Nå er justisministeren varslet, og hun svarer med flere strakstiltak.

Nyhetstips 03030

Er du der det skjer eller vet noe vi burde vite? Ta kontakt på 915 03030 eller 03030@nrk.no