Meiner russisk-finansiert nettverk driv med propaganda før EU-val

Tsjekkia og Belgia har denne veka hevda at Russland driv med spreiing av propaganda via europeiske politikarar og institusjonar, skriv AFP.

Ifølge tsjekkiske styresmakter skal propagandaen ha blitt spreidd gjennom den Praha-baserte nyheitsnettstaden Voice of Europe.

Belgias statsminister Alexander De Croo meiner også at EU-parlamentarikarar skal ha teke imot pengar frå Russland for å fremje russisk propaganda.

Dei politiske gruppene i parlamentet ønsker å få til ei gransking av påstandane.