|
Den nye betongfløyen ligg bak sveitsarfasaden på gamledelen. (Foto: Tor Sivertstøl, NRK) |
Som det første turisthotellet i Skandinavia, vart Kvikne's brannsikra med sprinkleranlegg i 1959. Bygginga av den store betongfløyen som til slutt talde 8 etasjar, starta i 1965 med 39 nye rom og ny resepsjon.
|
Baksida på gamledelen av hotellet. |
Andre byggjesteg med 48 gjesterom stod ferdig i 1968. Siste byggjesteg med 78 rom stod ferdig i 1973. Hotellet hadde dermed 210 rom og 400 senger.
Rekonvalesentheim
I åra frå 1966 til 1971 opna
Per Kvikne og
Mulla Kvikne hotellet for norske og europeiske kringsinvalidar for gratis opphald på hotellet.
Frå 1976 til 1991 vart Kvikne's Hotell utanom turistsesongen nytta som rekonvalesentheim for somatiske pasientar.
Jazzfestival
Sigurd Kvikne jr. gjekk inn i hotelldrifta i 1986. Som musikkinteressert fekk Sigurd Kvikne saman med Jon Skjerdal (sjå "
Kjende personar i Aurland") starta Balejazz, som har halde årlege jazzfestivalar på Kvikne's Hotell sidan.
|
Spisesalen på Kvikne's i 1993. (Foto: Asle Veien, NRK) |
Heilårsdrift
Frå 1991 gjekk hotellet over til heilårsdrift. Fram til 1996 sat
Mulla Kvikne som eineeigar. Då vart verksemda skipa om til aksjeselskap med familien som aksjeeigarar.
I 2001 hadde Kvikne's Hotell 42.000 gjestedøgn.