Ny rapport sår tvil om DNA-bevis frå Baneheia
Den nye sakkunnige for Gjenopptakingskommisjonen har gått gjennom DNA-bevisa i dobbeltdrapssaka frå 2000.
Rettsgenetikar Frederik Torp Petersen ved Rettsmedisinsk institutt i København konkluderer med at han ikkje ville rapportert DNA-analysane som bevis i ei straffesak.
1600 soldatar til Washington
Om lag 1600 soldatar er sende til hovudstadsområdet Washington D.C etter fleire dagar med protestar, opplyser Pentagon. Ein talsmann i forsvarsdepartementet seier til Reuters at soldatane er utplasserte på militærbasar rundt byen.
Trass i portforbodet i hovudstaden, samla hundrevis av demonstrantar seg i natt utanfor Det kvite huset.
Forsvarsminister Mark Esper har bede fleire delstatar sende deler av nasjonalgarden til Washington D.C. for å halde vakt. Fleire guvernørar har nekta å gjere det.
Skal granske politiet i Minneapolis – guvernøren lover oppgjer med rasisme
Styresmaktene i delstaten Minnesota skal granske politiet i byen Minneapolis etter dødsfallet som har utløyst demonstrasjonar og opptøyar over store delar av USA.
Departementet for menneskerettar i den amerikanske delstaten skal undersøkje rutinane til politiet dei siste 10 åra.
Målet er å finne ut om etniske minoritetar systematisk har vorte diskriminerte, og korleis dette eventuelt kan endrast.