Mann og kvinne brannskadde på Jæren
To personar er frakta til sjukehus i Stavanger med til dels alvorlege brannskadar i ansikt og på kroppen.
Dei to fekk skadane i eller ved eit bustadhus på Orre på Jæren ved totida, men det skal ikkje ha vore brann i huset. Det er uklart korleis skadane oppstod, opplyser politiet.
Ny natt med protestar i Minneapolis
For tredje natta på rad har det vore demonstrasjonar i Minneapolis i strid med portforbodet som er innført etter at 20-årige Daunte Wright vart skoten og drepen av ei politikvinne på sundag.
Meir enn 1000 demonstrantar er samla framfor politistasjonen i byen der det er sett opp sperringar i betong. Politistasjonen er vakta av politi i opprørsutstyr og soldatar frå nasjonalgarden.
Politikvinna, Kim Potter, og politisjefen i byen, Tim Gannon, har begge sagt opp stillingane sine. Ordførar Mike Elliott har utpeikt Tony Gruenig til ny politisjef i byen.
739 nye koronasmitta siste døgn – 244 i Oslo
Det siste døgnet vart det registrert 739 nye koronatilfelle i Noreg. Det er 91 fleire enn måndag, men 161 færre enn førre tysdag. 269 koronapasientar er innlagde på sjukehus, 19 færre enn måndag.
I Oslo vart det registrert 244 nye koronatilfelle tysdag. Framleis er smittetrykket tyngst i Stovner bydel.
