Politiet har konkludert med at bustadbrannen i Florø 24. februar oppstod ved eit uhell, og saka blir lagt vekk som ei ikkje straffbar sak. Det melder Firdaposten. Arbeidet med å rydda opp branntomta og byggje nytt hus, har no starta.
Dei 12 brannfolka som har jobba med å sløkke brannen i ein tomannsbustad i Florø, held i natt fram arbeidet med å sikre branntomta slik at flammane ikkje får nytt tak og spreier seg, seier overbefal Kurt Ask i Kinn brannvesen.
Tomannsbustaden som brenn i Florø er totalskadd og Politiet seier det no dreier seg om kontrollert nedbrenning. I alt 13 menneske er evakuerte frå det brennande huset og to nabohus. Brannårsaken er ikkje klarlagt.
Flammane frå brannen i tomannsbustaden i Florø er no mindre og brannvesenet kan snart ha kontroll. Det brenn framleis kraftig og er mykje røyk, men brannen ser ikkje ut til å spreie seg til nabohusa, seier NRK sin reporter på staden.
