Amerikansk base i Nord-Irak skaut ned tre dronar
Ein amerikansk militærbase i Irak skaut ned tre væpna dronar som flaug over flyplassen i Erbil.
Det melder Reuters.
Nedskytinga skjer ein dag etter at den iranske Revolusjonsgarden gjekk til angrep i Erbil, i den kurdiske delen av Irak. Dei hevdar dei gjekk til angrep på «spionasjesenter» og «anti-iranske terrorgrupper».
Minst fire personar vart drepne og seks skadde i angrepet, ifølgje det kurdiske tryggingsrådet.