Sian-påkøyrsel: Passasjeren i bilen også pågripen

Den andre kvinna som sette i passasjersetet i bilen som kolliderte med bilen til Sian-leiar Lars Thorsen, er pågripen.

Det stadfestar politiet i Oslo til NRK.

Føraren av bilen var pågripen laurdag. Ho er sikta for grov kroppsskade. Passasjeren er sikta for medverking til grov kroppsskade. Ingen av kvinnene erkjenner straffskuld.

Passasjeren er førebels ikkje avhøyrd. Føraren gav forklaring på staden, men har per no ikkje ønska å gi ytterlegare forklaring.

Det var fleire vitne til hendinga. Politiet har også videoopptak frå begge partar i saka. Etterforskinga er i ein innleiande fase.

– Vi etterforskar kva som har skjedd. Vi gjennomfører avhøyr, og går mellom anna gjennom videomateriale, skriv politiet i ei pressemelding.

Politiet ser på hendinga som alvorleg. Dei vurderer fortløpande eventuelle tiltak for å trygge dei som er involverte.

Politiet har grunn til å tru at bakgrunnen for hendinga er at Sian har gjennomført koranbrenningar.