R. Kelly dømt til 30 års fengsel for menneskehandel og overgrep

Artisten R. Kelly er dømt til 30 års fengsel for menneskehandel og seksuelle overgrep, melder nyheitsbyrået Reuters.

55-åringen vart i fjor funnen skuldig, men har venta i over sju månader på straffa.

Ein føderal domstol i New York meinte at han gjennom fleire tiår har utført overgrep mot barn og unge gutar og jenter.

Påtalemyndigheita krevde ein minimumsperiode på 25 år for overgrepa, medan 55-åringen sin forsvarar meinte Kelly burde få ei straff på 10 år eller mindre.

Rettssaka har blitt forsinka på grunn av pandemien, og endringar knytt til Kelly sitt forsvararteam. Han har vore varetektsfengsla sidan han vart tiltalt i 2019.

(NRK / NTB)