Gir unntak frå fråværsgrensa
Regjeringa gir unntak frå fråværsregelen ut skuleåret. Kunnskapsminister Tonje Brenna (Ap) seier at reglane for fråvær i den vidaregåande skulen gjer det vanskeleg å følge råda for å hindre koronasmitte. Difor blir unntaket som blei oppheva for tre veker sidan innført igjen. Fråværsgrensa inneber at elevar ikkje kan vere borte frå skulen i meir enn 10 prosent av undervisninga i eitt fag utan legeattest.