Unntak for koronavaksinerte
Fullvaksinerte får unntak frå smittekarantene, opplyser Helsedepartementet. Dei blir med det sidestilt med dei som har hatt covid-19 dei siste seks månadane.
Personar som har fått første dose for mellom 3 og 12 veker sidan kan også bli fritekne dersom dei tek ein test mellom 3 og 7 døgn etter siste nærkontakt med ein som er smitta. Dei som ikkje ønsker å ta test, må i ventekarantene.
Dette er i tråd med dei råda regjeringa har fått frå Helsedirektoratet og Folkehelseinstituttet.