«Mun ráhkistan du» lea áidna maid son máhttá sámegillii dadjat, muhto ii loga vel ovttage sámi bárdnái beassan dan dadjat.

Sámi nieida Ida Ovmar lea Ruoŧa čábbámus.

Son ovddasta Ruoŧa Miss Universe gilvvuin Filipiinnain ođđajagimánus.

Háliida ráhkistit sámegillii

– Ja, faktisk! Vástida 21 jahkásaš go mii jearrat ahte leago sámi bártniin dál vejolašvuohta sutnje irgalit.

Son áigu jagis oahppat sámástit. Gula man ollu dál máhttá sámegiela.

Áibbaša Johkamohkái

Ida duođai liiko lávdde alde bargat, muhto son dovddásta ahte lea lossat hárjehallat ja ráhkkanit Miss Universe gilvvuide.

Son lea mángii jurddašan ahte dál gal heaitá, muhto go diehtá ahte maŋŋel gilvvuid son beassá vuolgit Johkamohke márkaniidda vuoinnastit, de nággesta ain joatkit.

Dál dihtet buot sámi bártnit ahte sámi čábbámus nieida, Ida Ovmar, lea gávdnamis Johkamohke márkaniin boahtte jagi...