Otne eahkes doalla Moddi ovttas Arkhangala Gámmárorkesteriin konseartta Girkonjárggas.
Dan orkesteris čuojahit ruoššat, ja sin ruovtturiika dieđihii Knutsenii ahte sii eai berre čuojahit Ruošša joavkku Pussy Riot lávlaga Punk Prayer, danne go sin mielas lea dát ekstremisttalaš lávlla.
7 jahkkái giddagassii
Pussy Riot-lávlla «Punk Prayer» dat lea mii suhttada Ruošša eiseváldiid. Dán lávlagis lávlot Putina ja Ruošša birra. Gámmárorkestera čuojaheaddjit sáhttet geavvat 7 jahkkái giddagassii jus dán lávlaga čuojahit, dieđihedje Ruošša eiseváldit.
Sii eai leat lávlon dán lávlaga gosttege, danne go Knutsen ii loga háliidit bargat dakkáriid mii sáhta šaddat earáide su joavkkus várálažžan.
– Ahte olbmot reagerejit ja vigget cakkadit min barggu čájeha ahte dát fáddá «lobihis lávlagat» ain lea hirbmat áigeguovdil.
Punk Prayer musihkkavideo.
Sámi luođis lea báhppa suola
200 jagi boares luohti, man birra Harald Gaski lea čállán iežas dutkamis, lea dat sámi lávlla
su skearrus.
Shaman and the thief lávlla lea suollaga ja noaiddi birra. Suola lea báhppa gii badjelgeahččá sápmelaččaid ja sin noaiddi. Son lea ožžon veahki Mari Boines lávlut, ja Boine jietna lea dat noaidi.