NRK Meny
Normal

Oaidná go kránnjá du álásgovaid?

Sáhttá boahtit ovdan, muhtto dalle lea oahppi leamaš oalle čeahppi fáhtet ámadaju maid muitala dáiddaskuvlla rektor, Eva Aira.

Kárášjoga Dáiddaskuvla/ kunstskolen i Karasjok

EAI GÁVNNA: Kárášjoga Dáiddaskuvla rahčá gávdnat olbmuid geat sáhttet modeallan bargat.

Foto: Per Inge A. Åsen

Kárášjoga dáiddaskuvlla oahppit galget oahppat sárgut olbmo goroda. Dasa dárbbašit olbmuid geat sáhttet leat álásmodeallan, dahje áktamodeallan.

Oahppit studerejit álásvuođa

Aira jáhkká ahte olbmot soitet veahá ballat das ahte oahppit árvvoštallet sin gorudiid.

– Sii ballet ahte oahppit galget čohkkát ja studeret sin, ja smihttet «oh, don leat nu ruoinnas», «oh, don leat nu buoidi», dahje «oh, dus leat nu smávva čiččit» ja nu ain viidáset.

Kárášjoga Dáiddaskuvlla rektor Eva Aira

OHCÁ: Eva Aira ohcá áktamodeallaid.

Foto: Anne Olli

Dat ii leat min ohppiid bargovuohki, muitala Aira. Sii studerejit goruda vai sáhttet albmaláhkái sárgut dan.

Álás ja gierdevaš

Rektor Eva Aira muitala ahte sis leat leamaš moadde fásta modealla maŋimuš njeallje jagi, muhto dál lea gártan nu ahte eai leat doarvái olbmot dán bargui.

Áktamodealla galgá čohkkát, čuožžut dahje veallát ovtta sajádagas maid ieš vállje.

Dat ii leat nu álkes bargu go olbmot navdet, ii leat dušše veallát soffá alde dan botta go oahppit sárgot

Eva Aira

Sii soitet šaddat bargat olles beaivvi. Oažžu gal dieđusge bottuid, lohka rektor. Dat gáibida ahte ferte leat gierdevaš.

Livččet go?

Leago duođai nu ahte olbmot eai duostta searvat áktamodeallan? Dás gulat maid olbmot vástidedje.

Gå til forsiden

Mo livččet don čohkkán áktamodeallan?

Kárášjoga Dáiddaskuvla/ kunstskolen i Karasjok

Mo livččet don čohkkán áktamodeallan?

3 bilder

    Beassá go ránnjá oaidnit du álásin?

    Muhttinráje dáin govain soitet čájehuvvot dáiddaskuvlla geassečájáhusas, muhto ii leat nu stuora vejolašvuohta oaidnit gean lea sárgon, danne go lea gorut mii lea guovddážis.

    – Sáhttá boahtit ovdan, muhtto dalle lea oahppi leamaš oalle čeahppi fáhtet ámadaju maid.