Det er håp om ei viss betring i oske-situasjonen også i Sør-Noreg i morgon, men så blir det like ille igjen måndag og tysdag. I Nord-Noreg ser det litt betre ut.
opplyser i ettermiddag at Sør-Noreg vil bli vurdert spesielt nøye for prioritert trafikk.
Streng prioritering
Det vil bli ei streng prioritering av kva type trafikk som skal avviklast i luftrommet som no er opna, men det er klart at ambulanseflygingar blir prioriterte. Det er altså ikkje opna for avvikling av alle ruter og gjeninnføring av ordinær trafikkavvikling.
Men det er eit visst håp om at helikoptertrafikken i Nordsjøen kan kome i gang i løpet av dagen.
Avinor ber passasjerar framleis om å kontakte sine flyselskap for informasjon om dei enkelte flygingane.
- Avgjerda er teken på grunnlag i den siste meteorologiske data, og dei er forankra internasjonalt, seier Avinor-sjef Sverre Qvale.
Uendra versituasjon
Vakthavande statsmeteorolog Arild Mentzoni seier til NRK at versituasjonen ikkje har endra seg sidan i går. Det blir problematisk i Sør-Noreg resten av dagen, og lenger nord er situasjonen litt betre.
Mentzoni trur det kan bli ei lita betring i Sør-Noreg søndag. Det vil skje sakte, og først i dei nordlege områda. Mest truleg er det ei forgiande betring. Han reknar med meir oskeskyer inn over heile landet måndag og tysdag.
Det første halvanna døgnet etter at oskeskya frå Island stengde luftrommet over Sør-Noreg har Hovudredningssentralen for Sør-Noreg på Sola hatt sju oppdrag der dei normalt ville ha brukt helikopter.
Det gjekk heldigvis bra i alle tilfella, men natt til fredag kunne det fort ha blitt kritisk nord for Ørlandet i Nord-Trøndelag. Ein fiskebåt med tre mann om bord sprang lekk og heldt på å gå ned.
Hovudredningssentralen fekk andre båtar i nærleiken til å gå mot havaristen, og det gjekk bra.
LES OGSÅ:
LES OGSÅ:
LES OGSÅ: