Men Kostunica seier det er uaktuelt at Kosovo kan få sjølvstende i forhold til Jugoslavia. Han meiner det vil svekkje stabiliteten i området.
Kostunica kom i føremiddag på offisielt besøk til Noreg. Han starta opphaldet med å møte statsminister Jens Stoltenberg.
Vojislav Kostunica og Jens Stoltenberg. (Foto: NRK)
Etter møtet med statsministeren går turen direkte til slottet for å innta lunsj. Etter lunsjen på det kongelege slott skal Kostunica møte utanriksminister Thorbjørn Jagland.
Noreg har vore støttespelar for den jugoslaviske opposisjonen medan Slobodan Milosevic var president. Då Kostunica tok over som president var Noreg raskt ute med å ta opp att dei offisielle kontaktane med landet.
Under Kostunica sitt opphald i Noreg skal han blant anna diskutere norsk bistand til Jugoslavia.