Enormt med folk ute på byen: – Eg var litt redd for at det kom til å bli mykje tafsing

– Eg var litt redd for korleis det kom til å gå på dansegolvet med gutar og jenter som ikkje har sett kvarandre på veldig lenge, seier Linn-Christine Dahl til NRK.

Ho er ein av sjefane på Cafe Sør i Torggata i Oslo og gler seg stort over at dei no slepp å mase på kundane om at dei må sitje i ro.

– Eg var litt redd for at det kom til å krasje og at det kom til å bli mykje tafsing. Men det verkar som at alle klarer å oppføre seg og er glade for å vere ute, seier Dahl.

Sjølv vel ho å behalde munnbindet framleis.

– Eg kan ikkje risikere å bli sjuk no, seier Dahl.

Koronaskammen er over

Statsminister Jonas Gahr Støre var òg ute og naut bylivet laurdag kveld. Først tømte han lommene for munnbind, før han tok barnebarnet på seks år med på kino.

– Det var veldig hyggeleg å gå på ein kino der det var mange menneske som var glade for å gå på kino utan bekymringar eller avstand. Det var veldig god stemning, seier Støre til NRK.

Etter kinoturen drog han ut på ein restaurant og åt middag med ein kamerat. Der var det òg mange glade menneske, kan statsministeren fortel.

Han la merke til at det framleis var ein viss varsomhet, og at folk tok omsyn til kvarandre.

Støre forklarer at mange har opplevd ein brå vending i samfunnsdebatten. I starten av pandemien opplevde nokon det som tungt å vere open om at de sett i karantene da nære var sjuke.

– Det at det er normalisert i ein situasjon der de fleste av oss skal få denne sjukdommen, det trur eg i sum er bra, seier Støre om openheita.

Fulle hus

Men det er slett ikkje berre i hovudstaden det er høg stemning etter gjenopninga av Noreg.

På Stavkroa i Hemsedal var det tilnærma euforiske tilstandar laurdag kveld og natt til søndag.

Der var det fylt opp med glade afterskituristar og gleda var stor over at munnbind og meter er vekke.

– Det er fantastisk. No er vi kanskje 1200 til 1400 menneske her, og det er branntryggleiken som set grensa. Folk er glade, og det er supergod stemning, seier styreleiar Jan Erik Diethrichson.

Tissa på politibilen

Trass god stemning blant dei aller fleste, har det også kome inn mange meldingar om fyll og uro.

Blant anna i Bergen der to menn blir melde for å ha tissa på ein politibil. Den eine av dei må tilbringe natta i fyllearresten.

I Oslo og andre byar er også natteravnane i sving, dei slår gjerne av ein prat med dei ikkje kjem seg inn på uteplassane.

– Det er veldig mange glade folk ute og ein god del som er vel mykje berusa. Dei har nok vorsa godt og så går dei ut, og det ser vi, seier natteravn Sjur Saue.

– Men de opplever ikkje mykje trøbbel i kveld?

– Nei, utifrå så mykje folk som er ute, så er det ikkje så mykje.

Passerte éin million

Mange i utelivsbransjen har blitt hardt råka av tiltaka mot korona og sjølve sjukdomen som laurdag passerte éin million registrerte tilfelle i Noreg.

Men no er forboda fjerna og svært mange tok på seg danseskoa laurdag kveld. Det er det all grunn til:

• 10 veker sidan omikron kravde nye tiltak
• 100 veker sidan 12. mars 2020

Laurdag blei over 14.000 nye smitta registrert i Noreg. Men skulle du vakne opp med noko anna enn hangover, er det ikkje lenger eit krav at du isolerer deg og varslar nærkontaktar.

Men det er ei tilråding at du gjer det.