Det var leiaren for , direktør i , Geir Barvik, som la fram den nye prognosen på ein pressekonferanse i Oslo i ettermiddag. Den store auken i talet på asylsøkjarar som har kome hit til landet har gjort at anslaget på 12.000 plassar frå juli/august har vist seg altfor lågt.
– Mindreårige først
Tilstrømningen av asylsøkere til Norge er rekordstor. Dette bildet er fra et mottak i Finnmark.
Foto: Kai Erik Bull / NRKBarvik sa at også 18.000 kan vise seg å bli for lågt, og han såg føre seg at talet kan bli så høgt som 21.000 i 2017. Blant dei 18.000 som må busetjast i løpet av 2016 er det snakk om 4400 einslege mindreårige asylsøkjarar. Av desse er rundt 800 born under 15 år.
I 2017 ser det ut til å bli behov for å busetje 7000 einslege mindreårige, og 1400 av desse vil vere under 15 år.
– Det vil vere rett å busetje dei einslege mindreårige først. Det er viktig at kommunane dei nærmaste åra tar mot dei yngste av flyktningane. Denne sårbare gruppa blir mest skadelidande av å vente lenge i mottak, sa Geir Barvik.
Det blir no sendt ut brev til kommunane med spørsmål om kor mange dei kan ta mot i 2016, og at han rekna med at kommunane vil gi svar på dette innan nyttår.
Auke på 90 prosent
Det nye talet er basert på blant anna kor mange saker Utlendingsdirektoratet (UDI) greier å behandle, statsbudsjettet og talet på såkalla overføringsflyktningar. Det er kvoteflyktningar som FN overfører til Noreg. Det ser ut til å kome 4000 slike flyktningar neste år.
Barvik sa også at norske kommunar i løpet av dei siste fire åra har auka busetjinga av flyktningar med opphaldsløyve med 90 prosent. Hittil i år har kommunane busett 7800 personar, men talet er venta å stige til 10500 før året er omme.
VIDEO: Sjå innslaget i Dagsrevyen.
– Krevjande situasjon
– Det er ein krevjande situasjonen, men det er fullt mogleg å takle han slik busetjingsmodellen er i dag. Det er frivillig for kommunane om og kor mange flyktningar dei vil busetje. Med den erfaringa vi har med kommunane si evne og vilje til å busetje stadig fleire flyktningar, har eg tru på at dei vil handtere også denne nye utfordringa, la han til.
