NRK Meny
Normal

- Tiltalen mot Joshua French kan vere fabrikkert

Nupi-forskar Morten Bøås meiner det er ein viss sjanse for at den nye tiltalen mot Joshua French kan vere fabrikkert.

Dagsrevyen-sak med intervju Morten Bøås i NUPI.

VIDEO: NUPI-forskar Morten Bøås trur tiltalen kan vere fabrikkert.

Bøås er forskar på internasjonale forhold ved Norsk utanrikspolitisk institutt NUPI. Han har sett seg godt inn i saka til French og Moland, og han meiner det kan vere fleire årsaker til at kongolesisk politi no tek ut tiltale mot Joshua French.

Maktkamp eller konflikt

Den kongolesiske påtalemakta kan ha funne ting når dei har gått gjennom materialet og funne at noko ikkje stemmer. På bakgrunn av det kan dei ha teke ut tiltale, meiner han.

Men Bøås meiner det er ein viss sjanse for at tiltalen er fabrikkert.

– Det kan vere ein maktkamp eller konflikt knytt til ulike grupper i fengselsvesenet, i justisapparatet, i påtalemakta og ikkje minst maktkamp mellom den sivile og den militære påtalemakta, som har utløyst denne tiltalen, seier han til NRK.

LES OGSÅ: Kripos ber Kongo om innsyn

LES OGSÅ: – Kan bli vanskeligere å få French utlevert

LES OGSÅ: Kongolesiske myndigheter: – Moland dopet ned og kvalt

Vanskeleg med utlevering

Han trur at den nye drapstiltalen vil gjere det vanskeleg å få French utlevert til Noreg med det første. Han fortel at det formelt ikkje er mogleg å bli soningsoverført så lenge den innsette har ei sak gåande mot seg.

– Dette kan vere ein måte å skape ei utsetjing på, og dermed betre dei forhandlingskorta nokon måtte meine at dei sit med, seier Morten Bøås.

Joshua French er tiltalt for drap på kameraten Tjostolv Moland i fengselet der dei to delte celle i Kinshasa i Kongo. Norske og kongolesiske rettsmedisinarar konkluderte med at det ikkje var mistanke om at det hadde skjedd noko kriminelt.

LES OGSÅ: Britisk UD: – Vil gjøre det vi kan for at French ikke blir henrettet

LES OGSÅ: - Uhyrlig at Joshua er tiltalt for drap på Tjostolv

Frå Kisangani til Kinshasa

Det kom derfor som eit sjokk at den kongolesiske påtalemakta hadde teke ut drapstiltale mot Joshua French, som er både norsk og britisk statsborgar.

French og Moland vart dømde til døden for drapet på den sjåføren sin i 2010. Dei sat først fengsla i byen Kisangani, men vart seinare overførte til Ndolo-fengselet i hovudstaden Kinshasa.

Moland vart 18. august i år funnen død på cella han delte med Joshua French.

Laster innhold, vennligst vent..
Laster innhold, vennligst vent..

SISTE NYTT

Siste meldinger