Torsdag denne veka møttest fleire norske møbelprodusentar på kurs for å førebu seg til å auke eksporten til utlandet.
Gjennom prosjektet «Heile Noreg Eksporterer» skal norsk industri dermed få seg eit løft, og førebur seg til nedgang i oljeeksport.
Dette er fordi regjeringa ønsker å auke norsk eksport utanom olje og gass med 50 prosent innan 2030.
Og av bedriftene som samla seg, var heile åtte av ni frå Noregs møbelhovudstad – Sykkylven på Sunnmøre.
Stresslessen er eit kjend varemerke frå Ekornes på Sunnmøre.
Foto: Frederik Winness Ringnes / NRKEin bransje som slit
Møbelindustrien har vore under hardt vêr i fleire år.
– Møbelklynga på Sunnmøre, og spesielt Sykkylven, er utsett. Fleire av selskapa slit med svak økonomi etter nokre dårlege år. Selskapa i klynga er avhengige av kvarandre. Dersom nokre av selskapa blir svekkja eller forsvinn vil det raskt kunne bli alvorleg.
Det seier Runar Haugen, leiar for vareproduksjon og design i Innovasjon Noreg.
Runar Haugen seier at fleire møbelprodusentar har slite økonomisk i fleire år.
Foto: Tore Ellingseter / NRKHan meiner at auka eksport er den mest aktuelle løysinga på dette, og at det derfor er viktig å satse på eksporten framover.
Møttest i møbelhovudstaden
På vegner av regjeringa er det Innovasjon Noreg som har fått ansvar for å planleggje strategien for eksporten.
Derfor heldt dei kurs for ni møbelprodusentar, der åtte av dei kom frå Sykkylven.
– Det er her det skjer mest, og så er det tydelegvis Sykkylvsbedriftene som er mest framme i skoa og tar i mot moglegheitene som kjem hit, seier Haugen
No ønsker dei å rette blikket austover.
– Tyskland er jo den største møbelmarknaden i Europa. Ikkje fordi det er lette tider der, men fordi det er det største potensialet. Vi førebur selskapa på å kome seg i gang i Tyskland, og då skal dei få praktisk og god hjelp til å førebu seg.
På kurset får dei innføring i fleire ting.
Foto: Hans-Olav Landsverk / NRK– Eit veldig godt initiativ
Ein av bedriftene som har delteke på kurset, er Pla-Mek. Dei produserer plastdelar til ulike møblar.
Petter Bunes er dagleg leiar i Pla-Mek og er positiv til denne moglegheita.
Foto: Tore Ellingseter / NRKPetter Bunes er dagleg leiar, og er spent på korleis det vil bli når dei byrjar å satse på den tyske marknaden.
– Det som kjem ut av satsinga i Tyskland er vi jo litt spent på, så det er jo læring for oss og eit veldig godt initiativ.
– Alle bedrifter har moglegheit til å utvikle seg, alltid, seier plastdelprodusenten.
