Nektar å ta skulda for Top Gear-avlysing

Lensmannen i Rauma har blitt syndebukk etter at Top Gear avlyste filminga. Han seier han ikkje kan tillate lovbrot, uansett kor mykje turistnæringa taper.

Lensmann Andreas Hustad i Rauma

Lensmann Andreas Hustad blir gjort til syndebukk for Top Gear-avlysinga. – Eg tar det ikkje så tungt, seier han.

Foto: Gunnar Sandvik / NRK

Trollstigen og Atlanterhavsvegen skulle ut til millionar av TV-sjåarar. Vegvesenet hadde sagt ja til stenging av vegane den siste maihelga. Alt var klart. Men lensmann Andreas Hustad i Rauma sa nei til at dei fekk bryte fartsgrensene.

– Eg ser at eg er den store syndebukken, seier Rauma-lensmann Andreas Hustad til NRK.

Han har registrert at saka blir flittig diskutert på nettet. Folk meiner at turistnæringa går glipp av millionar av kroner etter at det ikkje blir noko Top Gear-program frå Nordvestlandet.

Ja til filming, nei til lovbrot

– Eg sa ja til filming og vegstenging på den svingete vegen. Men eg har ikkje fullmakt til å seie at nokon kan gjere lovbrot.

– Dersom det skulle skje ei ulykke, kven sitt ansvar var det då, spør lensmannen.

Top Gear er eit britisk bilprogram som blir vist i meir enn 170 land.

Matt Leblanc

Matt LeBlanc og Top Gear-teamet hadde brukt fleire veker på å frakte bilar til filminga i Møre og Romsdal.

Foto: Dominic Lipinski / Ap

Skribenten Erik Hattrem skreiv på ei nyheitsside at lensmannen stoppa festen før vorspielet fekk starte.

Uklar årsak til avlysing

Sjølv seier lensmannen det slik: – Eg fekk ein epost med takk for raskt svar. Og så skreiv dei at det ikkje vart filming. Kva som var årsaka til avlysinga, har ikkje eg noka meining om.

Rauma-lensmannen seier han aldri har nekta filming. – Men eg kan ikkje gi løyve til fartsgrensebrot.

– Rauma-lensmannen stoppa Top Gear

– Turistnæringa går glipp av millionar

Vegvesenet hadde sagt ja til stenging av vegane, så Top Gear-teamet skulle få filme i Møre og Romsdal den siste maihelga. I diskusjonane på nettet meiner folk at turistnæringa går glipp av millionar som følge av avlysinga.

NRK har ikkje fått svar frå BBC om kvifor Top Gear-filminga på Nordvestlandet vart avlyst.

Siste video/lyd

Ein fem år lang krangel etter rehabilitieringa av Freifjordtunnelen, hamnar no i forliksrådet. 
Statens vegvesen meiner ei svakheit i plastduken som ble laga, kan gi ekstrakostnader i hundremillionar-klassen.
Ålesund kommune har kome på kant med delar av kulturlivet i byen. Då det kom fram at mellom andre Matfestivalen ikkje lenger får halde til på sin tradisjonelle plass midt i sentrum - har mange års irritasjon kome til overflata.
Utdanninga for fagarbeidarane i maritim industri kan bli endra. Ei fersk masteroppgåve konkluderer blant anna med at ein må sjå på heile utdanningsløpet - og at haldninga til yrkesfaga må bli betre.