Forslaget til statsbudsjett som regjeringa la fram i går, skal gi kommunane ein vekst i frie inntekter på 4,7 milliardar kroner, men Sjurgard meiner veksten er lik null.
– Kommunane har blitt aktør for samfunnsutvikling og ein tenesteleverandør for staten, der kommunen driv velferdsstaten, seier Sjurgard.
Han meiner velferdsytingane har kome i statlege reformer som er underfinansierte.
– Til dei mange store reformene har kommunesektoren bidratt med eigendelar i fleire tiår tilbake i tid, og når reformene er underfinansierte blir kommuneøkonomien låst, hevdar rådmannen i Volda.
Rune Sjurgard meiner kommuneøkonomien blir låst av underfinansierte reformer.
Foto: Arne Flatin / NRKHan meiner det fører til at spelerommet til å drive kommunal politikk og kommunale prioriteringar er svært avgrensa.
– Dette går ut over det lokale sjølvstyret, og kommunane blir meir løparar for staten, seier Sjurgard.
