Den høgste farta som er målt i Eiksundtunnelen er 165 kilometer i timen. Det viser statistikken frå politiet. Fem ungdommar omkom i ei alvorleg ulukke i tunnelen for eit og eit halvt år sidan. Ordførar i Ørsta, Gudny Fagerhol, er overraska over at fartsgalskapen held fram.
Gudny Fagerhol er ordførar i Ørsta.
Foto: Remi Sagen / NRK– Eg hadde faktisk ikkje trudd at dette skulle halde fram etter ulukka. Eg hadde ikkje trudd at det framleis var ei slik enorm fart. Når farta kjem opp i over 160 kilometer i timen, då er det nokså fort, seier ho.
Ikkje berre Eiksundtunnelen
Men det er ikkje berre i Eiksund-tunnelen det blir køyrd fort. I Nordmøre og Romsdal politidistrikt er det Elnesvågen i Fræna som toppar lista. Men flest fartssyndarar er tekne av fotoboksa ved det farlege krysset ved Omsundbrua.
Høg fart trass i fotoboksane
Ved Shell i Ørsta møtest bilglad ungdom frå heile Søre Sunnmøre. Skuleelev Erlend Kragset fortel at ein kan køyre fort i Eiksundtunnelen sjølv om der er fotoboksar.
Erlend Kragset stadfester at det ikkje er uvanleg å køyre med 'full guffe' i Eiksundtunnelen.
Foto: Remi Sagen / NRK– Vi køyrer vel i full fart ned til området der fotoboksa står. Men der slakkar vi ned. Og så er det full guffe etterpå, seier Erlend Kragset.
– Fart gir status
–Eiksundtunnelen er den strekninga i landet som toppar statistikken over fartsstrekningar på landsplan. Dette er også den djupaste undersjøiske tunnelen i verda. Han er bratt både ned og opp, og farta er ofte høg blant dei som køyrer gjennom. Fart gir status, seier skuleelev Amanda Holsvik.
– Mange tykkjer at fart og spenning er gøy. Det er vel for å vise seg fram og framstå som kul. Men eg tykkjer ikkje det er noko sån ..., seier Holsvik.
– Folk har nok skjerpa seg
Nokre av ungdommane meiner likevel at fleire har redusert farta etter ulukka for halvanna år sidan.
Amanda Holsvik trur mange har skjerpa seg etter ulukka.
Foto: Remi Sagen / NRK– Eg trur at folk har skjerpa seg etter ulukka som var der. Men der er framleis folk som rasar gjennom tunnelen. Det er flotte vegar og det går beint fram. Men eg trur ikkje folk tenkjer over kva fare som er der, seier Elisabeth Måløy.
Har du kommentarar til denne saka? Skriv gjerne i kommentarfeltet nedanfor:
