Statistikkane viser at ei 18 år gammal kvinne vart teken i 136 kilometer i timen i Flekkerøytunnelen. Her er det 70-sone. Seks av dei ti grovaste fartssyndarane er tekne i Flekkerøytunnelen.
- LES OGSÅ: Fartsgalskapen held fram
- LES OGSÅ: Vi er egoistiske i trafikkken
I Baneheitunnelen vart ein 46 år gammal mann teken i 118 kilometer i timen i 60-sona.
Menn dominerer statistikkane
Det er menn som dominerer den nasjonale statistikken. Oversikta viser at nesten ni av ti som blir tekne er menn. Unge sjåførar mellom 20 og 40 år er i fleirtal.
Ei oversikt tidlegare i år viste at færre sørlendingar vert tekne i fotoboksane. Første halvår i år var det ein nedgang på 30 prosent i talet på personar som vart tekne i fotoboks.
– Fotoboksane er eit suplement til andre trafikksikkerheitstiltak. Vi ser det som veldig viktig at dei bidreg til å dra ned talet på alvorlege ulykker, seier leiar av ATK-senteret, Kjell Arne Hestad.
Versting
E18 gjennom Vestfold og Telemark vert trekt fram som ei av dei verste strekningane med uvettig køyring. Ein 37 år gammal mann vart fotografert i 164 kilometer i timen på vinterføre i februar i natt.
I hovudstaden vart ein 63-åring teken i morgonrushet i 121 kilometer i timen. Berre sidan opninga av den nye Operatunnelen har politiet inndrege 31 førarkort etter fotoboks-avsløringar der.