Åtte tente lys symboliserte dei åtte som mista livet då ankerhandteringsskipet Bourbon Dolphin kantra 12. april 2007.
– No er det gått ti år sidan Bourbon-ulukka, vi har hatt veldig lite merksemd kring ulukka anna enn i media, seier Herøy-ordførar Arnulf Goksøyr.
– No følte vi for å ta regien og gi ei skikkeleg fin og minneverdig markering for dei som kom vekk, og ikkje minst for dei som sit igjen, seier Goksøyr vidare.
- Les også:
Bjørn Idar Remøy frå reiarlaget Bourbon Offshore heldt ein rørande tale under markeringa, medan pårørande tende lys.
– Eg oppfatta det slik at det trefte hjarta til dei som trengde det, seier Goksøyr til NRK.
– Det å sjå at så mange er med og hugsar på dette, også i dag, har vore veldig viktig for dei som sit igjen, avsluttar ordføraren.