Det seier Høgre-politikar Torgeir Dahl, som leier aksjonskomiteen for nytt sjukehus i Molde.
I møte med Helse Midt i går sa helseminister Anne-Grete Strøm-Erichsen at helse Sunnmøre og Helse Nordmøre og Romsdal skal bli slått i hop innan 1.juli.
- LES ÒG: Vil ha felles helseføretak
Skuffa over finansierings-nei
Helseministeren sette òg ned foten for sjukehusfinansiering frå private eller kommunale aktørar. Forslaga frå private investorar med Bjørn Rune Gjelsten i spissen og det nye tilbodet frå GassROR og Molde blir dermed uaktuelle.
– Dette er jo eigentleg ei ytterlegare stadfesting av at viljen til å bygge ikkje er til stades, seier Torgeir Dahl.
– Rett og slett seigpining
Leiar i Molde Arbeidarparti, Sidsel Rykhus, meiner samanslåinga ikkje kunne komme på eit verre tidspunkt.
– Det er mogleg at dette er ei god løysing, men vi synest det er heilt feil å gjere dette no når det er så stor uro i helseføretaket frå før, seier Rykhus.
- LES ÒG: – Usamde om samarbeid
No vil Arbeidarparti-politikaren at helseministeren skal bestemme seg for nytt sjukehus i Molde eller om det blir eit felles eitt i mellom Kristiansund og Molde.
– Dette er iallfall rett og slett seigpining, seier Sidsel Rykhus.