Etter semifinalane på tysdag og torsdag er det nå klart for kva land som skal i elden i Eurovision-finalen.
Kven som vinn står att å sjå, men det som er heilt sikkert er at det blir ein kveld fylt med elleville, morosame og rørande framføringar.
Noreg skal synge i andre halvdel av finalen med startnummer 20. Oddsfavoritten Sverige skal ut på scena som nummer 9, mens Finland er bidrag nummer 13.
Nabolandet Danmark var spådd til å nå langt, men gjekk ut av semifinalen på torsdag, og reaksjonane har ikkje latt vente på seg.
Sjå heile rekkefølgja for finalen i faktaboksen under:
Totalt 26 land skal opptre i finalen som finn stad laurdag 13. mai.
Slik ser du Eurovision på NRK
- Finalen kan du sjå laurdag på NRK 1 og NRK TV kl. 21.
- P3 har også finalesending på NRK 3 og på P3.no frå kl. 20.30 på laurdag.
- Du kan få med deg alt av Eurovision-finalen også på radiokanalen NRK P1 frå kl. 21.
Har du spørsmål om Eurovision? Eller saknar du ein plass der du kan få utløp for dine meiningar og synspunkt rundt årets framføringar?
Da kan du gå inn på NRK.no laurdag kl. 21 og ta del i NRK Svarer. Ingen spørsmål er for dumme, og ingen meiningar er for dryge!
Marte Stokstad kommenterer Eurovision-sendingane på NRK 1.
Arianrhod Engebø, Egil Skurdal og Adelina Ibishi er programleiarar i P3 si Eurovision-sending. Nate Kahungu kjem også innom for å vere kveldens motepoliti.
Kommentator Jon Marius Hyttebakk losar deg trygt gjennom Eurovision-finalen på radiokanalen NRK P1.
Slik stemmer du
Du kan stemme opp til tjue gongar på kvart bidrag, og du kan stemme etter at siste låt er framført.
For å stemme, ringjer ein 829 69 6 + talet på den du vil stemme på. Eller sende SMS til 26900 med talet på den du vil stemme på.
Du kan også stemme i den offisielle Eurovision Song Contest-appen, der du også kan gi digital applaus.
Kvar stemme både via telefon og app kostar fem kroner, og du kan ikkje stemme på Noreg.
Stemmeskjema
Ein klassisk gjengangar når det gjeld Eurovision.
- PDF-versjon:
- Word-versjon:
I skjemaet står artistane oppført i den rekkjefølgja dei opptrer i, i tillegg til stemmeinformasjonen.
Her kan du fylle inn poenga dine etter kvart som artistane har framført nummeret sitt, og du kan gi poeng på alt frå sceneshow til styling.
Les alle Eurovision-sakene her.
