Kvinner konfronterte Harvey Weinstein under arrangement i New York

Fleire kvinner blei bua på då dei gjekk til verbale angrep på Harvey Weinstein under eit arrangement for skodespelarar i New York onsdag. Dei hevdar også at dei blei kasta ut av arrangementet.

Harvey Weinstein

Då Harvey Weinstein dukka opp på eit bransjearrangement i New York onsdag, blei han skjelt ut av fleire kvinner som meinte det var upassande at den tidlegare filmmogulen var til stades.

Foto: YANA PASKOVA

Harvey Weinstein var ein av dei mektigaste i den amerikanske filmverda. Men for to år sidan stod fleire kvinner fram i The New York Times og The New Yorker og skulda han for seksuell trakassering og overgrep.

I mai fjor blei han arrestert og tiltalt for blant anna valdtekt og seksuell trakassering. Weinstein nektar straffskuld.

Dei siste månadane har han vist seg offentleg nokre få gangar, og onsdag blei det bråk då han dukka opp på eit arrangement for skodespelarar i New York, skriv New York Post.

– Freddy Krueger i rommet

Komikaren Kelly Bachman var blant dei som opptredde på arrangementet onsdag. Ho heldt ein stand-up-monolog då ho oppdaga at Weinstein sat ved eit bord saman med fleire unge kvinner og to livvakter.

Ho valde å gjere eit nummer ut av at han var til stades, og samanlikna Weinstein med den brannskadde skrekkfilm-figuren Freddy Krueger, kjent frå fleire filmar og ein TV-serie på 1980- og -90-talet.

– Eg er komikar, og det er vår jobb å nemne elefanten i rommet. Det er ein Freddy Krueger i rommet, om du vil. Eg forstod ikkje at eg måtte ta med meg sjølvforsvarsspray og valdtektsalarm på dette arrangementet, sa ho frå scenen.

Kommentarane blei møtt med både buing og tilrop om at ho skulle halde munn frå publikum.

Bachman seier til The Guardian at ho kjende seg redd, men at ho meinte ho måtte seie noko.

– Vi kan ikkje akseptere at dette monsteret berre kan kome og delta i eit bransjearrangement. Eg ønskte at folk skulle kjenne på ubehaget ved det. Og eg håper folk held fram med å kjenne på dette ubehaget, seier ho til avisa.

Hevda dei blei kasta ut

I ein pause gjekk skodespelaren Zoe Stuckless og komikaren Amber Rollo over til bordet der Weinstein sat, og kom med fleire verbale angrep på den tidlegare filmmogulen. Det skal ha blitt ei amper stemning i lokalet.

Ifølgje Stuckless blei dei bedne om å forlate utestaden etter det som skjedde.

PLEASE READ AND SHARE THIS WHOLE THING!! Tonight was one of the most surreal nights of my life. I went to an event...

Publisert av Zoe Stuckless Onsdag 23. oktober 2019

Rollo skriv på Twitter at ho er sjokkert over at Weinstein tilsynelatande var invitert til arrangementet.

Laster Twitter-innhold

Men arrangøren Alexandra Laliberte avviser ifølgje Deadline at Weinstein var invitert verken av henne eller nokon av samarbeidspartnarane hennar.

Ein talsperson for Weinstein seier til New York Post at følget i ikkje ønskte merksemd, og at dei opplevde kvinnene som frekke.

– Dette er eit eksempel på korleis ein rettsprosess blir skvisa av offentlegheita.

Weinstein sjølv skal ikkje ha blitt særleg skaka av hendinga. Etter at kvinnene var eskortert ut av lokalet, skal han ha sett seg ned ved bordet igjen, og halde fram med å drikke vatn.

Kulturstrøm

  • Blogger Annijor bytter forlag

    Blogger og forfatter Anniken Jørgensen, kjent som Annijor, gir ut sin neste bok på Gyldendal Forlag. Jørgensens bokdebut «En natt til» kom ut i 2018 på forlaget Panta i et totalt opplag på over 40 000. En person som var navngitt i boka begjærte først at forlaget skulle trekke boka tilbake, men partene kom til enighet før rettssak. Den nye boka blir en dannelsesroman om en 23-åring som sliter med angst, ifølge forlaget.

    Anniken Jørgensen
    Foto: Kaja Marie Andreassen / NRK
  • På liste over truede kulturminner

    Y-blokken i regjeringskvartalet er for andre gang på listen over Europas viktigste truede kulturminner, av kulturvernorganisasjonen Europa Nostra, skriver Aftenposten. Y-blokken som er vedtatt skal rives, har blant annet et kunstverk av Pablo Picasso integrert i fasaden. (NTB)

    Y-blokken / Y-blokka har adresse Akersgata 44 og ligger delvis over Arne Garborgs plass. Bygningen har navn etter Y-formen
    Foto: Lise Åserud / NTB scanpix
  • Kunne aldri blitt vist

    Programlederen kunne aldri ha snakket om temaer som vold mot kvinner på TV før statsminister og fredsprisvinner Abiy Ahmed kom til makten i Etiopia. Det forteller Beza Tegafaw (til venstre) til NRK.