NRK Meny
Normal

Sjå Paskalevs kontorkonsert

Mikhael Paskalev heldt kontorkonsert for Wimp-tilsette i Oslo – sjå heile konserten her!

Kontorkonsert med Mikhael Paskalev hos Wimp i Oslo, 5. februar 2013.

Mikhael Paskalev er denne veka klar for lansering av sitt debutalbum. Her under kontorkonserten tirsdag. (Stillfoto: Fred Olav Vatne)

Ålesundaren Mikhael Paskalev (25) fekk eit gjennombrot då han vart fjorårets Urørt-vinnar i NRK P3, og denne veka kjem debutalbumet hans, «What's Life Without Losers» i handelen.

Les: Intenst år for Paskalev

Mikhael Paskalevs kontorkonsert fann stad hos strøymetenesta Wimp i Grensen i Oslo sentrum. Kontorkonserten er eit samarbeid mellom NRK og Music Norway.

Sjå: Tidlegare kontorkonsertar

Mikhael Paskalev med band

Mikhael Paskalev med band.

Foto: Fred Olav Vatne / NRK

– Ein del av å vere musikar

Strøyming har vore eitt heitt tema i musikkbransjen dei siste åra, men ikkje i Paskalevs miljø. Der er tenestene ein like naturleg del av musikklivet som gitarstrengar og forsterkarar:

– Det er ikkje akkurat strøymetenestene vi diskuterer når vi set oss ned med ein pils, seier han til NRK.no.

– For meg er strøyming ein del av det å vere musikar, og fordelen er at det gir god eksponering overfor publikum. Eg forstår reaksjonane frå dei som mista inntekter dei hadde før, men for meg har det alltid vore slik, eg har aldri tent så mykje på musikken.

Ein del av kveldsrutinen

Rett nok er det ikkje Wimp Paskalev brukar. Spotify kom først, og etter fleire år som brukar har han sett saman så mange spelelister at han vegrar seg for å bytte teneste.

– Det ligg mange minne i spelelistene eg har laga, og dei har eg ikkje lyst til å kvitte meg med, seier Paskalev.

Mange spelelister er bygd opp etter at Spotify fekk plass i den daglege rutinen: han byrja å roe seg ned om kvelden med å høyre eit album han aldri hadde høyrt før. Til saman har han rundt 400 spelelister, og dei største inneheld opp til 500 låtar.

Mikhael Paskalev

Mikhael Paskalev sett frå kontorplass hos Wimp.

Foto: Fred Olav Vatne / NRK

– Ein del av salstaktikken

Paskalev har både vinyl og cdar liggande omkring, men han klarer seg godt utan ei svær platesamling:

– Spelelistene eg strøymer får sin eigen personlegdom, på lik linje med album, seier Paskalev.

Ei av dei mange personlege listene heiter «playa del sol». Den laga han for to år sidan, til «ei bra jente»:

– Eg brukte spelelista som ein del av salstaktikken, kan du seie, ler han.

– Eg brukte mykje energi på å skryte av musikksmaken min i den lista. Heldigvis funka det.

Kulturstrøm

  • «Mamma Mia»-oppfølger slo original

    Kinopremieren for «Mamma Mia! Here We Go Again» er den sterkeste åpningshelgen for en kinofilm i Norge siden 2015, skriver Dagbladet. Da besøkte over 170.000 kinogjengere James Bond-filmen «Spectre». «Mamma Mia! Here We go Again» ble sett av over 140.867 kinogjengere I helgen, viser tall fra Filmweb. Originalen «Mamma Mia» ble til sammenligning bare sett av drøyt 64.000 publikummere i åpningshelgen i 2008. Jeg rekker å lure på om alle de store hitene ble brukt opp i originalen, mente NRKs anmelder om den nye filmen.

    Lily James
    Foto: United International Pictures
  • Soulmusikk-fotografier utgis i bok

    Nær 300 fotografier som den amerikanske musikk-fotografen Bruce W Talamon tok av de største R & B-, funk- og soulartistene i USA på 1970-tallet og tidlig 1980-tall, utgis i en samlebok. De fleste bildene er aldri tidligere blitt publisert. Blant artistene som Talamon fikk komme nært inn på dagliglivet til, er Jackson 5, James Brown, Stevie Wonder og Diana Ross. Talamon sier til The Guardian at han aldri planla å bli fotograf, og mangler formell utdannelse. Det første bildet han tok var av Isaac Hayes på musikkfestivalen Wattstax i 1972. Konserten var en veldedighetskonsert til minne om det afroamerikanske opprøret i i bydelen Watts sør i Los Angeles.

    Diana Ross
    Foto: STR / REUTERS